Bharath Mudundi @ Ashberry Healthcare

Datblygu sgiliau, hyder a gwytnwch: Siwrne Prentisiaeth Bharath

Dechrau gyda Phwrpas

Cyn ymuno ag Ashberry Healthcare fel Cynorthwyydd Iechyd Gofal, roedd Bharath Mududndi yn gwybod beth yn union oedd o eisiau: cymhwyster cydnabyddus, profiad ymarferol a’r hyder i ffynnu mewn amgylchedd gofal. Roedd ei nod yn glir, cyflawni ei CGC Gofal Iechyd a Chymdeithasol Lefel 2 ac adeiladu sylfaen am yrfa hir a gwerthfawr yn cefnogi pobl eraill.

O’r dechrau, roedd gan Bharath agwedd benderfynol am ei brentisiaeth. Roedd o eisiau dysgu, tyfu, a dod yn ofalwr iechyd tosturiol. Gosododd yr uchelgais hwnnw’r cywair ar gyfer popeth a ddilynodd.

Dysgu Trwy Brofiad

Wrth iddo weithio yn Nhŷ Nyrsio Blaenos, Ashberry Healthcare, wnaeth Barath ymrwymo ei hunan i ddydd i ddydd goflau am bobl yn gyntaf. Datblygodd o ddealltwriaeth gref o iechyd a diogelwch, cyfathrebu, a chefnogi unigolion gydag urddas a pharch.

Nid yn unig oedd ei brentisiaeth am gwblhau tasgau, ond roedd o hefyd am ddatblygu hyder yn ei swydd. Cryfhaodd Bharath ei sgiliau ymarferol a rhyngbersonol. O gadw cofnodion a gwaith tîm i hyrwyddo annibyniaeth am y bobl mae’n gofalu am.

Gan fyfyrio ar ei siwrne, dywedodd:

“Mae cwblhau fy CGC Gofal Iechyd a Chymdeithasol wedi tyfu fy hyder, gwella fy sgiliau, a fy helpu i ddarparu gofal gwell i’r bobl dwi’n edrych ar eu hôl pob diwrnod.”

Gwynebu Heriau

Er na wynebodd Bharath unrhyw rwystrau personol, nid oedd ei siwrne heb heriau. Ar ôl cwblhau tri allan o bedwar elfen o fframwaith y brentisiaeth, wnaeth o straffaglu gyda’r asesiad olaf CRAIDD, gan ei methu pum waith.

Gallai hyn wedi bod yn bryd iddo gamu’n ôl ond yn lle hynny, daeth yn bryd iddo gamu ymlaen.

Wnaeth ei asesydd Kyley Daniels cydnabod ei rwystredigaeth a’i botensial. Gweithion nhw’n agos gyda’i gilydd i ddod o hyd i achos y broblem: iaith a therminoleg a defnyddwyr yn yr asesiad MCQ. Gyda’i gilydd, archwilion nhw i strategaethau newydd, newidion nhw ddulliau dysgu ac adeiladon nhw ei hyder i fyny.

Dywedodd Kyley:

“Er ei rwystredigaeth yn y cychwyn, dangosodd Bharath ymrwymiad i gwblhau’r CRAIDD. Treulion ni amser ychwanegol yn archwilio i ddulliau gwahanol i helpu o ddeall iaith a therminoleg yr asesiad. Bydd ei ddatblygiad yn cael effaith cadarnhaol arno fo wrth iddo barhau yn ei swydd a’i gyrfa yn y dyfodol.”

Adiodd Kyley:

“Mae Bharath yn headdu bod yn falch o’i hunan. Mae ei siwrne yn dangos pa mor bwysig ydy o i ddarparu cefnogaeth cyson ag addasu dulliau fel nad yw dysgwyr yn cael eu anfantais.”

Tyfu Hyder

Wnaeth y brentisiaeth trawsnewid gwaith dydd i ddydd Bharath. Rŵan mae’n teimlo’n hyderus yn ei gyfrifoldebau, yn alluog o ddarparu gofal o ansawdd uchel, ag yn fwy ymwybodol  o’r safonau proffesiynol a ddisgwylir yn y sector.  

Rŵan mae’n mynd i’r afael â’i rôl yn hyderus, yn eglur, a gyda dealltwriaeth ddyfnach o sut i gefnogi unigolion sy’n byw gydag anghenion cymhleth.

Edrych i’r Dyfodol

Roedd siwrne Bharath wedi cychwyn gyda’i Lefel 2. Mae o’n cynllunio i barhau i adeiladu ar ei brofiad, cymryd mwy o gyfrifoldebau, a datblygu ei sgiliau ymarferol. Rŵan mae ei ffocws ar fod yn fwy effeithiol yn ei swydd ac i ddarparu gofal rhagorol i’r bobl mae’n gofalu am.