Oliver Harford X leisure centre Swansea

Dod o hyd i’w lwybr a thyfu mewn hyder tuag at brentisiaeth

Yn Sgiliau Itec, rydym yn dathlu dysgwyr sy’n troi eu hangerdd yn gynnydd ac mae taith Oliver yn enghraifft wych o hynny.

Ymunodd Oliver Harford ag Itec gydag angerdd clir dros chwaraeon ac uchelgais i adeiladu gyrfa yn y diwydiant hamdden. Gyda brwdfrydedd a ffocws, gweithiodd yn agos gyda’i Swyddog Cyflogadwyedd, Gareth Williams, i baratoi ar gyfer y byd gwaith. Gan ddangos dull rhagweithiol ei ddatblygiad personol a phroffesiynol.

Gyda’i gilydd, buont yn gweithio i gryfhau sgiliau cyflogadwyedd Oliver, gan ganolbwyntio’n benodol ar baratoi am gyfweliadau, datblygu CV, a chyfathrebu proffesiynol. Roedd ei ymrwymiad a’i agwedd gadarnhaol yn amlwg o hyd, wrth iddo groesawu adborth a’i ddefnyddio i dyfu mewn hyder.

Diolch i’w ymroddiad a’i baratoad, mae Oliver wedi sicrhau lleoliad gwaith yng Nghanolfan Hamdden Abertawe, un o ganolfannau hamdden blaenllaw’r rhanbarth. Er mai dim ond yn ddiweddar y dechreuodd, mae eisoes yn gwneud argraff ac yn dangos prydlondeb, brwdfrydedd, a pharodrwydd i ddysgu wrth addasu’n gyflym i’w rôl newydd.

Mae Oliver wedi mynegi faint mae’n mwynhau’r lleoliad, ac mae’r profiad eisoes yn atgyfnerthu ei uchelgeisiau gyrfa. Mae ei gynnydd cynnar yn tynnu sylw at ei frwdfrydedd, ei ddibynadwyedd, a’i ymagwedd broffesiynol – rhinweddau sy’n hanfodol yn y sector chwaraeon a hamdden.

Rydym yn falch o’r cynnydd y mae Oliver wedi’i wneud ac yn gyffrous i weld sut mae’n parhau i dyfu yn ei leoliad. Mae ei daith yn tynnu sylw at bŵer ffocws, paratoi, ac angerdd wrth adeiladu gyrfa lwyddiannus.