ITEC SGILIAU A CHYFLOGAETH

Ein Ymrwymiad Cymraeg

Yn Itec credwn fod y Gymraeg yn sgil gwerthfawr yn y gweithle, nawr ac i’r dyfodol.

Rydym yn falch o’n treftadaeth Gymreig ac yn cydnabod pwysigrwydd y Gymraeg a’i diwylliant, gan gefnogi’n rhagweithiol uchelgais Llywodraeth Cymru o filiwn o siaradwyr Cymraeg erbyn 2050.

Rydym yn gweithio ar y cyd â’r Coleg Cymraeg Cenedlaethol i annog dysgwyr i ddefnyddio a datblygu eu gallu yn y Gymraeg. Nod y Coleg Cymraeg yw creu cyfleoedd hyfforddi ac astudio yn y Gymraeg ac ysbrydoli dysgwyr a phrentisiaid i ddefnyddio’r sgiliau Cymraeg sydd ganddynt. Gallwch ddarllen mwy am waith y Coleg Cymraeg

Coleg Cymraeg

Rydym yn cefnogi’r amcan hwn drwy ein hymrwymiad i:



Hyrwyddo manteision y Gymraeg a diwylliant Cymru i’n holl ddysgwyr, cyflogwyr a gweithwyr ar draws ein rhaglenni yng Nghymru.



Annog ein gweithwyr a’n dysgwyr i ddatblygu eu sgiliau Cymraeg.



Rhoi cyfle i ddysgwyr gwblhau eu cymhwyster yn Gymraeg neu’n ddwyieithog.



Darparu lleoliadau gwaith Cymraeg.



Hyrwyddo diwylliant Cymru drwy ein cwricwlwm a diwrnodau ymwybyddiaeth.

Ar yr 16eg o Hydref 2024, derbyniodd Itec gydnabyddiaeth Cynnig Cymraeg.

Mae’r achrediad hwn, a ddyfarnwyd gan Gomisiynydd y Gymraeg, yn adlewyrchu ein hymrwymiad parhaus i hyrwyddo’r Gymraeg a diwylliant Cymru ar draws pob agwedd ar ein gwasanaethau.

Fel rhan o’n Cynnig Cymraeg, rydym yn cynnig:



Gwefan dwyieithog.



Yr opsiwn i gyfathrebu â ni trwy e-bost, ffôn, a llythyrau yn Gymraeg a Saesneg.



Cyrsiau prentisiaeth dwyieithog neu gyfrwng Cymraeg mewn Iechyd a Gofal Cymdeithasol (Lefelau 2-3) a Gofal Plant, Gwaith Chwarae a Datblygiad Dysgu (Lefelau 2-5).



Adborth dwyieithog gan ein staff i gefnogi dysgwyr.



Presenoldeb dwyieithog ar gyfryngau cymdeithasol.



Cydweithio gyda phartneriaid Cymreig fel yr Urdd a’r Coleg Cymraeg i hybu diwylliant Cymraeg a rhannu adnoddau.

Mae’r Cynnig Cymraeg yn fenter a ddatblygwyd gan Gomisiynydd y Gymraeg i annog busnesau, sefydliadau, ac elusennau i gynnig gwasanaethau yn Gymraeg, gan hyrwyddo’r defnydd o’r iaith mewn rhyngweithiadau bob dydd a gwella mynediad i wasanaethau cyfrwng Cymraeg.

I ddarganfod mwy, cliciwch y botwm isod.

Cliciwch yma