Mae John Robert Endicott yn entrepreneur cydnabyddedig yng Nghymru ac yn fodel rôl i Lywodraeth Cymru.  Mae John yn gwirfoddoli i Fusnes Cymru ac yn mentora 32 busnes ar draws Pen-y-bont ar Ogwr wrth redeg ei busnes fasfachraint gyweirio moduron ei hun ar draws De a Gogledd Cymru.

Gwahoddwyd John gan Itec fel siaradwr gwadd i ymgysylltu â phobl ifanc ar raglen Twf Swyddi Cymru+ yng nghanolfan Itec ym Mhen-y-bont ar Ogwr. Tra yno cafodd ei gyflwyno i’r dysgwr Jackson Hill, a ddangosodd ddiddordeb brwd mewn mecaneg.

Ymunodd Jackson ag Itec Pen-y-bont ar Ogwr yn Tachwedd 23 efo’r gobaith o ennill sgiliau cyflogadwyedd a phrofiad gwaith. Roedd wedi rhoi cynnig ar leoliad mewn mecaneg o’r blaen, ond bu’n fyrhoedlog iawn oherwydd pryder, presenoldeb a phroblemau hyder. Roedd gan Jackson ddiddordeb yn areithiau ysgogol John a gofynnodd i roi cynnig ar leoliad eto.

Wedi’i hwyluso gan Swyddog Cyflogadwyedd Itec Gareth Williams, cytunodd John yn fuan i roi lleoliad i Jackson yn ei gwmni ‘Collect my Wheels’. Dywedodd Gareth, “rhowch yr amgylchedd iawn i berson a byddan nhw’n tyfu.”

Roedd John yn ymwybodol o’r rhwystrau a wynebai Jackson felly strwythurodd ei dasgau dyddiol a darparu synnwyr cyfrifoldeb mewn amgylchedd diogel.

Trwy fentora agos, dechreuodd Jackson ffynnu, a sylwyd ar hyn gan ei deulu a’i gyfoedion ac mae ei deulu yn aml wedi diolch i John am yr arweiniad, y gefnogaeth a’r ymwybyddiaeth o’i anghenion. Mae’r lleoliad wedi cael effaith aruthrol ar fywyd Jackson.

Dywedodd John, “Mae Jackson yn cyflawni pob tasg yn fedrus ac mae ei bresenoldeb yn wych. Nawr bod Jackson wedi gwella ac wedi dangos ymrwymiad, hoffwn ei hyrwyddo ymhellach trwy gynnig Prentisiaeth iddo. Dim ond braich o’u cwmpas sydd ei angen ar rai pobl ifanc i’w pwyntio i yn y cyfeiriad cywir.”

Dywedodd Jackson, “Rwy’n teimlo’n rhan o’r tîm ac yn hoffi dysgu pethau newydd, rwy’n edrych ymlaen at y dyfodol.”

Meddai Ruth Sainsbury, Arweinydd Tîm Cyflogadwyedd Itec, “Rydym yn hynod falch o’r cydweithio gyda’r cyflogwr hwn a’r cyflawniad o hybu gyrfa Jackson. Mae’r canlyniad hwn yn dystiolaeth o sut mae’r mentoriaid a’r cyflogwyr cywir yn cael effaith enfawr ar fywydau ein dysgwyr. Mae staff yng nghanolfannau TSC+ Itec yn darparu’r sgiliau sylfaenol i ddysgwyr ffynnu yn yr amgylchedd cywir er eu lles nhw a’r cyflogwyr Pob lwc yn eich prentisiaeth, Jackson!”