Triniwr Gwallt Gorau 2024 yng Nghymru yn rhannu Buddion Partneriaeth Itec ar gyfer Busnesau Bach

Mae Nicholas James yn Driniwr Gwallt Enwog cenedlaethol. Ymddangosodd yn diweddar ar BBC Radio 1 ar ôl ennill gwobr Triniwr Gwallt Prydeinig y Flwyddyn Cymru a De Orllewin Lloegr.

Nid yn unig y mae’n rhyfeddol am yr hyn y mae’n ei wneud ond hefyd o ran hyfforddi’r genhedlaeth nesaf o drinwyr gwallt trwy rannu ei sgiliau.

Mae Nick wedi bod yn cefnogi dau ddysgwr ifanc Itec yn ei salon Nicholas James Hair yn Nhonypandy am y flwyddyn ddiwethaf i gyflawni eu cymhwyster L1 gyda rhaglen TSC+. Mae Nicholas nawr yn edrych i archwilio Strand Cyflogaeth TSC+ i barhau â’u hyfforddiant a symud ymlaen i gyflogaeth amser llawn.

Dywedodd Nick, “Mae Itec a rhaglen Twf Swyddi Cymru+ yn wych, yn enwedig i fusnesau bach. Mae’n dda i’r cyflogwr fod ei lywodraeth wedi’i ariannu ac mae’n dda i’r unigolyn.”

“Mae dysgu trin gwallt yn y coleg yn wahanol iawn i ddysgu ar leoliad gwaith. Mae’n dda iddynt ddod i mewn a chael profiad salon a gwybod yn union sut i ddelio â chwsmeriaid o’r dechrau. Gyda chymorth Itec o ran cyllid y llywodraeth, mae’n help mawr i unrhyw fusnes bach.

“Dylai busnesau bach 100% fynd amdani. Byddwch yn cael hyfforddai sydd wedi’i hyfforddi yn union sut basau chi’n dymuno, a nhw yw dyfodol eich busnes.”

Dywedodd Nick ei fod yn gallu gweld dyfodol lle mae Kaci a Lacie yn cynyddu o ddysgwyr Twf Swyddi Cymru+ i brentisiaeth yn y salon ac yna cyflogaeth llawn amser.

Hanes Nick

Dechreuodd Nick ei hyfforddiant ei hun fel steilydd yn Nhonypandy mewn dau salon lleol gwahanol. Cafodd y cyfle i deithio i salon am enwogion yn Wolverhampton. Pan agorodd salon newydd yn Amwythig, yn 20 oed, cynigiwyd swydd i Nick ac o fewn wythnos symudodd i swydd Amwythig. Dywedodd, “Fi yw’r math o berson y byddaf yn gwneud unrhyw cyfle a ddaw i gael profiad.”

Yna cyfarfu Nick â’r bersonoliaeth deledu Brydeinig Dawn Ward cyn ei hymddangosiad ar y ‘Real Housewives of Cheshire’. Yn y pen draw daeth yn steilydd i sawl aelod o gast y sioe.

Dywedodd Nick, “Roedd yn rhyfeddol. Dysgais llawer gan steilwyr eraill ac adeiladais fy mhroffil a fy arbenigedd. O honno, dechreuais wneud gwallt Gemma Collins.”

Brand ei hunan

Dechreuodd Nick wneud cynlluniau i ddechrau ei frand ei hun. Ar ôl profi pethau gwahanol a lefelau gwahanol o drin gwallt, roedd yn gyfle perffaith i ddod yn ôl i Donypandy. Roedd o eisiau cyflwyno rhywbeth arbennig i’r gymuned a rhannu gwybodaeth i drinwyr gwallt sylfaenol fel Kaci a Lacie.

Meddai, “Mae trin gwallt wedi newid yn aruthrol. Dyw pobl ddim eisiau cael eu cyflogi bellach, maen nhw eisiau bod yn berchen ar eu salon eu hunain. Mae’n anodd iawn dod o hyd i rywun sydd eisiau gweithio a ddim yn gweithio iddyn nhw eu hunain.” I Nick, dyma ble daeth ei bartneriaeth ag Itec i mewn. Cafodd Kaci a Lacie y siawns i ddysgu gan arbenigwr a gwelon nhw sut fath o ddyfodol gall yrfa yn y diwydiant gwallt arwain i.

“Rwy’n teithio o gwmpas y wlad yn aml, yn enwedig gyda fy ngwobr ddiweddar. Dwi ddim yn gwybod i ble mae’n mynd i fynd â fi. Rwy’n dal yn hoffi manteisio ar unrhyw gyfle a ddaw. Roedd [lleoliadau gwaith TSC+] yn ffordd berffaith i fowldio unigolion i ble rydw i eisiau iddyn nhw fod. Mae’n ddiwydiant mor gyffrous, a gall fynd â chi i leoedd gwahanol, felly mae unrhyw ffordd y gallaf roi yn ôl yn wych.”