Grymuso Dyfodol trwy Gyflogaeth: Dathlu Diwrnod Cyflogadwyedd Cenedlaethol gyda Phwrpas a Balchder

Gan Adele Hughes

Dathlu Cyflogadwyedd

Mae Diwrnod Cyflogadwyedd Cenedlaethol ar y gorwel. Rwy’n cael fy atgoffa o werth aruthrol y diwrnod, nid yn unig i unigolion, ond i deuluoedd, cymunedau a chymdeithas yn gyffredinol. Mae cyflogaeth yn fwy na ffordd o ennill bywoliaeth; mae’n rhan hanfodol o sut rydym yn diffinio ein hunaniaeth. Yn ychwanegol, mae’n meithrin hyder ac yn llunio ein dyheadau.

Yn fy rôl fel Rheolwr Gweithrediadau ar gyfer Rhaglen Twf Swyddi Cymru+ (TSC+), mae gen i’r fraint o weld yn uniongyrchol sut mae ein tîm ymroddedig yn cefnogi unigolion i gymryd camau ystyrlon tuag at gyflogaeth gynaliadwy. Mae ein ffocws ar ddatblygu sgiliau cyflogadwyedd craidd wrth wraidd popeth a wnawn. Gan gynnwys cyfathrebu, gwaith tîm, datrys problemau a gwydnwch. Nid ydym yn paratoi pobl ar gyfer marchnad swyddi heddiw yn unig; rydym yn eu cyfarparu ar gyfer oes o gyfleoedd a thwf.

Un o elfennau mwyaf pwerus ein rhaglen yw’r gefnogaeth a gawn gan ein rhwydwaith o bartneriaid cyflogwyr ymroddedig. Nid yw’r cyflogwyr hyn yn cynnig lleoliadau yn unig, maent yn darparu profiad yn y byd go iawn. Yn ychwanegol darparwn mentora, ac, mewn llawer o achosion, cyfleoedd cyflogaeth uniongyrchol sy’n trawsnewid bywydau go iawn. Mae eu cred yn ein dysgwyr a’u parodrwydd i fuddsoddi mewn datblygu talent newydd yn gonglfaen i’n llwyddiant. Mae’n dangos pŵer cydweithio rhwng addysg, gwasanaethau cymorth, a diwydiant i greu effaith barhaol.

Eleni

Eleni, mae’r effaith honno’n gliriach nag erioed. Rydym yn falch o adrodd hyd yn hyn fod 41% o’n dysgwyr JGW+ wedi symud ymlaen i gyflogaeth yn ystod y flwyddyn gontract hon. Wir mae hyn yn dyst i waith caled ein dysgwyr, ymroddiad ein timau, a chefnogaeth ddiysgog ein rhwydwaith cyflogwyr. Trwy gefnogaeth strwythuredig, llwybrau personol, a chydweithrediad cryf â chyflogwyr, rydym yn parhau i weld rhwystrau’n cael eu torri, hyder yn cael ei adfer, a dyfodol yn cael ei ailddychmygu.

Mae Diwrnod Cyflogadwyedd Cenedlaethol yn ddathliad o’r daith honno. O’r dewrder sydd ei angen i ddechrau, yr ymdrech sydd ei hangen i barhau, a’r balchder sy’n dod gyda chynnydd. Rwy’n hynod falch o fod yn rhan o raglen. Un sydd nid yn unig yn agor drysau, one hefyd yn helpu pobl i gerdded drwyddynt gyda phwrpas, hyder a gobaith, yn aml yn syth i’r union weithleoedd a gredodd ynddynt yn gyntaf.